புவிசார் குறியீடு

புவிசார் குறியீடு

குறிப்பிட்ட ஓரிடத்தில் தயாராகும் பொருள், அதன் தனித்துவமான பண்புகளினால் பிரபலம் அடையும்போது. அதைப் போலவே தோற்றம் அளிக்கும் போலிகள் பலவும் உருவாகிச் சந்தைக்கு வந்து மக்களைக் குழப்புவதைப் பார்க்கிறோமல்லவா? அப்படி நேராமல் தடுத்து, ஓரிடத்தின் தனித்துவமான சிறப்பியல்புகளைக் கொண்டிருக்கும் படைப்புகளுக்குப் பாதுகாப்புத் தரும் வகையில் அளிக்கப்படும் மிக உயரிய அங்கீகாரம்தான். "புவிசார் குறியீடு.
அதன் முக்கியத்துவத்தையும், இந்தியாவில் அப்படிப் புவிசார் குறியீடு பெற்றிருக்கும் பொருட்களில் முக்கியமான சிலவற்றைப் பற்றியும் இந்த நூல் பேசுகிறது.
எந்தக் காரணங்களால் குறிப்பிட்ட ஓரிடத்தில் உருவான அந்தப் பொருளுக்குத் தனித் தன்மை ஏற்பட்டது என்பதையும், அந்தப் பொருளின் வரலாற்று முக்கியத்துவம், சிறப்புகள், அதன் வர்த்தகம் போன்ற செய்திகள் விளக்கப்பட்டிருக்கின்றன.
ஊட்டி வர்க்கி, காஞ்சிபுரம் பட்டு, ஸ்ரீவில்லிப்புத்தூர் பால்கோவா, மதுரை மல்லி, பழனி பஞ்சாமிர்தம், ஹைதராபாத் ஹலீம், மலபார் மிளகு, காஷ்மீர் குங்குமப்பூ. குண்டூர் மிளகாய், ராஜஸ்தான் பளிங்கு. அல்ஃபோன்ஸோ மாம்பழம், கோனார்க் கற்சிற்பங்கள் மட்டும் அல்லாமல் இன்னும் பல பிரபலமான பொருட்களுக்கும் புவிசார் குறியீடு கிடைத்த வரலாறும், அந்தப் பொருட்களின் சிறப்பும் விவரிக்கப்பட்டிருக்கின்றன.
அடுத்த முறை புது இடம் ஒன்றுக்குச் சென்றால் அங்கே புவிசார் குறியீடு பெற்ற பொருள் ஏதேனும் இருக்கிறதா என்று விசாரிக்க நிச்சயம் உங்களை இந்த நூல் தூண்டும்!
படித்துப் பாருங்கள்; பலன் பெறுங்கள்!