கீதாஞ்சலி

கீதாஞ்சலி

எங்கே மனதில் சிறுபயமும் இல்லையோ ,தலையானது நிமிர்ந்து நிற்கிறதோ; எங்கே  அறிவு சுதந்திரமாய் இருக்கிறதோ; எங்கே வீடுகளின்  சுவர்களால் உலகம் துண்டுகளாய் உடைபடாமல்  இருக்கிறதோ;எங்கே உண்மையின் ஆழத்திலிருந்து சொற்கள்  வெளிப்படுகின்றனவோ; எங்கே உழைப்பின்  கைகள் களைப்பின்றி  முழுமையை நோக்கி நீள்கிறதோ; எங்கே அறிவின்  நதியானது மூடப்பழக்கம் நிறைந்த இருண்ட  பாலைவன மண்ணைநோக்கி வழிதவறிப் போகாமல்  இருக்கிறதோ ; எங்கே மனமாவது உன் வழிகாட்டுதலின்படி பரந்து விரிந்த  சிந்தனையையும் செயலையும்  நோக்கிச் செல்கிறதோ; அந்த சுதந்திர சொர்க்கத்தில்... என் தந்தையே ... எனது தேசத்தை விழித்து எழவிடு!