தமிழ் இலக்கியங்களில் பெண்களின் சாதனைகள்

தமிழ் இலக்கியங்களில் பெண்களின் சாதனைகள்

ராணுவம், இன்று பெண்கள் அறிவியல், விண்வெளி, விளையாட்டு, அரசியல் மற்றும் சமூக சேவை என அனைத்துத் துறைகளிலும் சாதனை படைத்து வருகின்றனர். இந்தச் சாதனைகள் பாலின தடைகளை உடைத்து, பெண்களின் தைரியத்தையும் நம்பிக்கையையும் பறைசாற்றுகின்றன. இத்தகைய பெண்களின் சாதனைகளையும், இலக்கியங்களின் வழி பெண்களின் சிறப்பையும் எடுத்துரைப்பதாக இந்த நூல் அமைந்துள்ளது.
அறிவியல் மற்றும் தொழில்நுட்பங்களில் பல பெண்கள் சிறந்து விளங்கியுள்ளனர். அவ்வாறு சாதனை படைத்த விஞ்ஞானிகளைப் பற்றி பதிவு செய்துள்ளது இந்நூலின் முதல் கட்டுரை. உலக அறிஞர்களின் பார்வையில் மொழி, இனம், இலக்கியம், பண்பாடு இவை குறித்த செய்திகளைத் தொகுத்துரைப்பதாக இந்நூலின் இரண்டாம் கட்டுரை அமைந்துள்ளது.
அரசர்களும் கவிஞர்களாக சங்ககாலத்தில் மேம்பட்டு விளங்கியுள்ளமையை விளக்குகிறது இந்நூலின் மூன்றாவதாக உள்ள கட்டுரை. கணைக்கால் இரும்பொறை, சேரமான் இளங்குட்டுவன் முதலான அரசர்கள் இக்கட்டுரையில் விளக்கம் பெறுகின்றனர். இதனைத் தொடர்ந்து பாரதிதாசன், கண்ணதாசன் ஆகிய கவிஞர்களின் பார்வையில் பெண்கள் குறித்த சிந்தனைகள் எடுத்துரைக்கப்பட்டுள்ளன. நாம் பேச்சுரிமையை வழங்கி பெண் அடிமையை ஒழிப்போம் என்ற பாரதிதாசன், கைம்பெண் மறுமணம் பற்றிய பல பாடல்களை எழுதி, பெண் முன்னேற்றம் பற்றிய பல புதிய புரட்சிகரமான சிந்தனைகளை மக்களிடையே விதைத்தவர். கண்ணதாசன் பெண் இல்லாமல் உலகமே இல்லை என்று கூறுகிறார்.