குட்டி வானம்

குட்டி வானம்

இந்த வருடம் வந்த 3,500 கவிதைகளையும் நான் படித்தேன். அவற்றில் எனக்குத் தேவையான 53 கவிதைகளைத் தேர்ந்தெடுப்பதற்குள் போதும் போதும் என்றாகிவிட்டது. என்றாலும்,
கூண்டுக்குள் பறவை பறந்து
இடம் மாறும் போதெல்லாம் உருவாகிறது
குட்டி வானம்
போன்ற கவிதையை வாசிக்கும்போது, இந்த மாதிரியான தெறிப்புகளுக்கு இன்னும் ஆயிரம் கவிதை, பத்தாயிரம் கவிதைகள் வந்து குவிந்தாலும் பரவாயில்லை, வாசிக்கலாம் என்று ஆறுதலும் கிடைக்கிறது.
ஒரு பயணத்தில், ஏதோ ஒரு கணத்தில், கண்ணில் பார்த்த ஒரு காட்சியை உண்மையாக... உண்மை என்றுகூட சொல்லக்கூடாது, அது ஒரு மனநிலை... ஒரு கவனம்... அதை எழுத என்று கூட அல்ல... பதிவு செய்தால் போதும்.... அதுதான் ஹைக்கூ.
என்.லிங்குசாமி