கட்டாடி

கட்டாடி

சென்னையின் பரபரப்பான நகர வாழ்க்கையின் நிழலில் மறைந்துக் கிடக்கும் ஓர் உலகம் மூர் மார்க்கெட் என்று சொலப்படும் அல்லிக்குளம். அதற்கு நேர்மாறானது சேத்துப்பட்டு டோபிகானா.

இந்த இரு உலகங்களின் நடுவே சிக்கிக்கொண்ட துணி வெளுக்கும் தொழிலைச் செய்யும் சென்னையின் பூர்வகுடி மக்களின் தினசரி போராட்டங்களையும், ஒரு கிராமத்தில் தினம் வீட்டுச் சோறெடுத்தபடி அதே தொழிலைச் செய்யும் குடும்பத்தில் கல்வி உண்டாக்கும் தலைமுறை மாற்றங்கள் என ஓர் இனக்குழுவின் சிரிப்பும் கண்ணீரும் கலந்த வாழ்க்கையை, அவர்களது இயல்பான பேச்சு வழக்கிலேயே உயிரோட்டமாகக் காட்சிப்படுத்தப் பட்டுள்ள தன்மை நாவலுக்கு ஒரு இன வரைவியல் தன்மையை உண்டாக்குகிறது.

பகலில் குளிக்கக்கூட முடியாமல், இரவில் மட்டுமே குளிக்க வேண்டிய கட்டாயத்தில் வாழும் நிரந்தர வீடற்ற அம்மக்களின் துரதிர்ஷ்ட நிலையைப் படிக்கும்போது நாகரிக மனிதர்கள் என்று சொல்லிக்கொள்வதில் எந்த அர்த்தமும் இல்லை என்பதை இந்நாவல் உணர்த்துகிறது.