ஜூவின் கதை

ஜூவின் கதை

சிறுமி ஜுவைப் பொருத்தவரை பழைய பொருட்கள்தான் புதியவை. அவள் அம்மா வேலை பார்க்கும் வீடுகளில் கொடுக்கப்படும் பழைய பொருட்களை ஜூ புதிய நண்பர்களைப் போல் வரவேற்பாள். குறிப்பாக, பழைய பாடப்புத்தகங்களில் சில நேரங்களில் மறைந்திருக்கும் புதையல்கள், அவள் மனதைக் கவர்ந்தவை. பக்கமடிப்புகளுக்குள் அழுத்தி வைக்கப்பட்ட வண்ணப்பூக்கள், கவிதைகள் மற்றும் இறந்த வண்ணத்துப்பூச்சி கூட... ஒரு நாள் ஜூ, கணிதப்புத்தகத்தில் மூடியிருந்த கடித உறை ஒன்றைக் கண்டுபிடித்தாள். அந்த கடிதத்தில் தபால்தலை இருந்தது. ஆனால் முகவரி இல்லை.
'டிஃப்ரென்ட் டேல்ஸ்' (வித்தியாசமான கதைகள்) என்ற திட்டத்தின் ஒரு பகுதியாக எழுதப்பட்ட கதை ஜூவின் கதை, குழந்தைகள் புத்தகங்களில் அதிகம் இடம்பெறாத வாழ்க்கைப் பின்புலங்களைப் பின்னணியாகக் கொண்ட கதைகளை உருவாக்கும் திட்டம் இது. ஐதராபாத்தைச் சேர்ந்த அண்வேஷி பெண்கள் கல்வி ஆராய்ச்சி மையம் இத்திட்டத்தை ஒருங்கிணைத்தது. பால் சக்கரியா போன்ற நுட்பமான எழுத்தாளரின் கைவண்ணத்தில், இக்கதையில் ஜூவின் ஒரு சின்னக் கண்டுபிடிப்பு நமக்கு நெகிழ்ச்சி மிக்க அனுபவமாகிறது. அஸ்மா மேனனின் உறுதியான ஓவியத்தன்மையுள்ள உருவச்சித்திரங்கள் இக்கதைக்குத் தனிவலிமையை தந்துள்ளது.
பால் சக்கரியா புகழ்பெற்ற மலையாள சிறுகதை எழுத்தாளர், பத்தி எழுதுபவர். இதுவரை புனைகதை மற்றும் கட்டுரைகளாக நாற்பது புத்தகங்கள் வெளிவந்துள்ளன. சாகித்ய அகாதமி விருது (2004) உட்பட பல விருதுகளைப் பெற்றுள்ளார். இவர் திருவனந்தபுரத்தில் வசித்து வருகிறார். குழந்தைகளுக்காக இவர் ஆங்கிலத்தில் எழுதிய முதல் சித்திரக்கதை நூல் இது.
அஸ்மா மேனன் சென்னையைச் சேர்ந்த ஓவியர். குழந்தைகளுக்காக நடத்தப்படும் ஓவியப்பட்டறைகளில் பங்கேற்பதில் ஆர்வம் உள்ளவர். சென்னையைச் சேர்ந்த ஓவியர்களுக்கான இணையத்தள உருவாக்கத்தில் இவரும் பங்களித்துள்ளார்.
சங்கர ராம சுப்ரமணியன் சென்னையில் வசிக்கும் நவீன கவிஞர். இவர் எழுதி நான்கு புத்தகங்கள் பிரசுரமாகியுள்ளன.