ஶ்ரீ சக்ர உபாசனையில் யோக நித்திரை

ஶ்ரீ சக்ர உபாசனையில் யோக நித்திரை

அமரகவி சித்தேஸ்வரரின் யோக நூல்களான நிஜானந்த போதம், சோடசகலாம் ருதம், பரிபூரண ஆனந்த யோகம் ஆகிய புத்தகங்களில் விளக்கப்பட்டுள்ள சுருக்கமான கருத்துகளை காணலாம். இந்நூலில் மொத்தம் நான்கு பகுதியாக விரிவான முறையில் கொடுக்கப்பட்டுள்ளது.
முதல் பகுதியில் ஸ்ரீசக்கரத்தின் முதல் நான்கு வரிசைகள், வாசல் துவாதசந்த பெரு வெளி, மகாமேரு, பத்தாவது தஸமஸ்கந்தம், வெளி 16 இதழ்கள், உள் 8 இதழ்கள், நேர் முக்கோணம், தலைகீழ் முக்கோணம்,நவ ஆவரணம், அஷ்ட திக் பாலகர்கள், அஷ்ட வசுக்கள், நவக்கோள்கள் கட்டுப்படுத்தும் இடா நாடி, அரூப லட்சுமிகள், அஷ்ட வாக் தேவிககள், அஷ்ட தளம், நாற்பத்து முக்கோணம் மற்றும் ஸ்ரீசக்கர உபாசனையின் யோக சித்திகள் என விளக்கி சொல்லப்பட்டுள்ளன.
இரண்டாவது பகுதியில் ஸ்ரீசக்ர உபாசனையின் பயன்களை அளிக்க வல்ல யோக நித்திரையைப் பற்றியும் பல விரிவான தகவல்களைகாணலாம்.
மூன்றாம் பகுதியில் யோக சித்திகளின் குறிப்புகளாக விளங்கும் பரியங்க யோகம், விபரீத இராஜ யோகம், பரிவராஜ யோகம், மூலாதார முக்கட்டு, மூலாதார முச்சுடர், பரமாகாயம் அளிக்கும் யோகத்தின் நான்கு நிலைகள், நான்கு தெய்வீகத் த்வனிகள் கேட்கும் முறை, உள்ளத்தின் குரல் கேட்கும் விதம் என ஆராய்ந்து சொல்லப்பட்டுள்ளது.
நான்காவது பகுதியில் யோக சாதனைக்குரிய சித்திகளான சப்த பூமிகா என்கிற சப்த லோகங்கள், பூதாகாசம் பிரத்யாஹாரம் என்கிற யோக சித்தி, ஸ்ரீமுத்ரா முதல் மனோன்மணி சித்தி வரை, சித்தாந்த முக்தி, பிரம்ம கிரந்தி, விஷ்ணு கிரந்தி, ருத்ர கிரந்தி, சப்த பிரம்மத்தின் நான்கு வெளிப்பாடுகள், இச்சா சக்தி, கிரியாசக்தி, ஞானசக்தி, ஐந்துமண்டலங்களும்,சப்தலோகங்களின் அமைப்பு முறையும், சித்தத்தின் வசமுள்ள 12 நிலைகள், பிரம்ம நிஷ்டையில் யோக சித்திகள் ஆகிய அனைத்தும் சிறப்பாக எடுத்துச் சொல்லப்பட்டுள்ளன.