சிவபாலனின் இடப்பெயர்ச்சிக் குறிப்புகள்

சிவபாலனின் இடப்பெயர்ச்சிக் குறிப்புகள்

எப்போதும் இழந்தவர்கள், இழந்துக்கொண்டிருப்பவர்கள் பக்கமாக நின்று பேசுகிற கதைகளை எழுதுபவராக இருப்பவர் அழகிய பெரியவன். சுரண்டப்படுகிற வர்க்கமாகவும் அதேசமயம் சமுதாயப் படிகளில் மிகக்கீழாக வைக்கப்பட்டிருக்கும் மக்களின் இன்றைய பிரச்சினைகளின் தொடங்கி இரண்டாயிரம் ஆண்டு காலத்து நியாயம் கோருபையாகவும் அழகியப்பெரியவனின் கதைகள் அமைந்திருக்கின்றன.

எழுதித் தீராத மனித வாழ்வின்  - வஞ்சிக்கப்பட்ட மனித வாழ்வின் - வெளிச்சம்ப்படாத பல பகுதிகள் இருப்பதை அறிந்தவர் அவர். அப்பகுதியை எழுதுவதையே எழுத்தின் நோக்கமாக நேர்ந்து கொண்டவர்.

அழகியபெரியவனின் கதைகள் பாடுகளை மனம் கசியும் விதத்தில் சொல்வதிலேயே நின்றுவிடவில்லை. அடுத்த கட்டத்துக்கு, எழுச்சி ஊட்டுவதாக,உணர்வு ஏற்ப்படுத்துவதாக, இடுக்கண்கணைக் கண்கொண்டு பார்ப்பவர்களாக, ஏன் என்று கேட்பவர்களாக, மறுப்பவர்களாக மக்களை மாற்றியமைக்கின்றன. தன்னிரக்கம் கொள்ளச் செய்யாத ஆனால் தலைநிமிர செய்பவையாக இருக்கின்றன அவர் கதைகள்.