புதைந்த பாதை
புதைந்த பாதை
திருநெல்வேலி பகுதியிலிருந்து கொழும்பு சென்றவர்கள் அங்கு தொடங்கப்பட்ட ஆதிதிராவிட மகாஜன சபையின் உறுப்பினர்களாகச் செயல்பட்டுள்ளனர். இவர்களின் அரசியலாக்கம் இந்த சபையின் மூலமே நடைபெற்றுள்ளது. சென்னையில் தொடங்கப்பட்ட ஆதிதிராவிட மகாஜன சபைக்கும் கொழும்பில் துவக்கப்பட்ட சபைக்கும் இடையில் தொடர்பு இருந்துள்ளது என்பது நீண்டகால ஆய்வுத் தேடலில் உறுதியாகிறது. இதுபோன்ற செயல்பாடுகள் இங்கிருந்த ஆதிதிராவிடர்களின் தன்னெழுச்சியை உணர்த்துவதாய் உள்ளன. கல்விக்கூடங்களை அமைத்துக் கிராமங்களில் கையெழுத்திடத் தெரியாத ஆதிதிராவிடர்களே கிடையாது என்று சொல்லுமளவிற்கு அனைவரும் ஆரம்பக்கல்வி கற்றுள்ளனர். இந்தப்பள்ளி 'திருப்பணி கரிசல்குளம் ஆதிதிராவிட ஆரம்பப்பள்ளி என்ற பெயரில் ஆரம்பிக்கப்பட்டு பின்பு அரிசன துவக்கப்பள்ளி என்ற பெயர் மாற்றம் பெற்று பின்பு 'டாக்டர் அம்பேத்கர்' என்ற பெயருக்கு வந்தடைந்தது. இந்தப் பெயர் மாற்ற வரலாறே ஆதிதிராவிடர்களின் கடந்துவந்த ஒவ்வொரு அரசியல் நிலைப்பாட்டையும் குறிப்பதாய் உள்ளது.
புதைந்த பாதை - Product Reviews
No reviews available

