பதினெண்கீழ்க்கணக்கு நூல்களில் அறச்சிந்தனைகள்
பதினெண்கீழ்க்கணக்கு நூல்களில் அறச்சிந்தனைகள்
பதினெண்கீழ்க்கணக்கு நூல்கள் என்பவை சங்கம் மருவிய காலத்தில் எழுந்த நூல்கள். இப்பதினெட்டு நூல்களுள் 11 நூல்கள் அறங்களை உரைப்பதாக அமைந்துள்ளன. அவற்றில் கூறப்படும் அறங்களை எடுத்துரைப்பதாக இந் நூலின் முதல் கட்டுரை அமைந்துள்ளது. பூக்களைப் பற்றி இலக்கியங்கள் கூறக்கூடிய செய்திகளைத் தொகுத்து அளிக்கிறது ஒரு கட்டுரை. சங்க இலக்கியங்களில் காணப்படக்கூடிய வாழ்வியல் செய்திகளை முறையே எடுத்துரைப்பதாக அமைகின்றது ஒரு கட்டுரை. வாழ்ந்து காட்டுவோம் என்னும் கட்டுரை வாழ்க்கை என்பது என்ன என்பதனை விளக்கி, நாம் வாழ்க்கைப் போராட்டங்களைத் தாண்டி வெற்றி பெற எவ்வாறு வாழ்வது என்பதனை விளக்குவதாக அமைந்துள்ளது. கலித்தொகை காட்டக்கூடிய அறச்செய்திகளை தொகுத்து அளிக்கின்றது ஒரு கட்டுரை. பத்துப்பாட்டும் எட்டுத்தொகையும் பற்றிய சுருக்கமான வரையறைகளைப் பதிவு செய்வதாக ஒரு கட்டுரை அமைந்துள்ளது. பழமொழி நானூறில் அமைந்துள்ள பொருளியல் சிந்தனைகளை முன்வைத்துள்ளது இறுதிக் கட்டுரை. இவ்வாறு பல்வேறு இலக்கியப் பொருண்மையில் அமைந்த கட்டுரைகளின் தொகுப்பாக இந்த நூல் அமைந்துள்ளது.
பதினோரு அற இலக்கியங்களில் காணப்படக்கூடிய அறச்செய்திகள் இந்நூலில் சுருக்கமாகப் பதிவு செய்யப்பட்டுள்ளது. பெரியவர்களின் நட்பு வளர்பிறை போல வளரும் என்றும் சிறியவர்களின் நட்பு தேய்பிறை போலத் தேயும் என்றும் நாலடியார் கூறும் கருத்தும், நன்மக்கள் பிறக்கும் குடியை அறிவார் யாரும் இல்லை என்று நான்மணிக்கடிகை கூறும் கருத்தும், கொடுங்கோல் அரசனின் கீழ் வாழ்வது, தெப்பமில்லாத ஆற்றினைக் கடந்து செல்வது, வன்சொல் கூறுவோரின் தொடர்பு இவையாவும் துன்பம் தரும் என்று இன்னா நாற்பது கூறும் எனப் பல அறக் கருத்துக்களை இந்நூல் பதிவு செய்துள்ளது.
பதினெண்கீழ்க்கணக்கு நூல்களில் அறச்சிந்தனைகள் - Product Reviews
No reviews available
