பரமஹம்சர்

பரமஹம்சர்

கடவுளை நேரில் கண்டவர் என்கிற தகவலுக்கு அப்பாலும் ராமகிருஷ்ணரிடமிருந்து நாம் பெறத்தக்க செய்திகள் ஏராளம் உள்ளன. மிகக் கடுமையாகத் தன்னை வருத்திக் கொண்டு ஆன்மிகச் சாதனைகளின் உச்சத்தைத் தொட்டவர் அவர். தமது தரிசனங்களை மிக எளிய முறையில் குட்டிக் கதைகளின் உதவியுடன் வெளிப்படுத்தியதில்தான் அவர் மற்ற ஞானியரிடமிருந்து வித்தியாசப்படுகிறார். தத்துவங்களை அச்சுறுத்தும் பாங்கில் அல்லாமல், தோழமையுடன் சொல்லித் தருவன, ராமகிருஷ்ணரின் இலக்கியங்கள். ஒரு வகையில் அவரது வாழ்க்கையே அவரது செய்தியும்கூட. நெகிழ்ச்சியும் பரவசமும் ஊட்டும் ராமகிருஷ்ணரின் வாழ்க்கை அனுபவங்களின் ஊடாகவே அவரது செய்தியையும் விவரித்துப் போகும் நூலாசிரியர் பா. தீனதயாளன், அடிப்படையில் ஒரு பத்திரிகையாளர், சிறுகதை எழுத்தாளர். தமிழின் அனைத்து முன்னணி இதழ்களிலும் தொடர்ந்து எழுதி வருபவர்.