பனிப்புயல்

பனிப்புயல்

கால் நூற்றாண்டையும் கடந்து ரஷ்யாவின் அதிபராக வீற்றிருக்கும் ஒரு சாமானியனின் வரலாறு இந்த நூல். உலக வல்லரசுகளுக்கு இணையாகத் தன்னையும் தனது நாட்டையும் கம்பீரமாக நிலைநிறுத்தி இருப்பவர் விளாதிமிர் புதின்.
சோவியத்தின் பெருமையை ரஷ்யா மூலமாக நிலைநாட்டுவது அவரது கனவு. அதை நோக்கி ரஷ்யாவின் அரசியல், ராணுவம், பொருளாதாரம் ஆகியவற்றைக் கட்டமைத்து வருகிறார். தனக்கான தனி பாணியில் நட்பு, பகை, துரோகம், ராஜதந்திரம் அனைத்தையும் கையாள்பவர். இவற்றை சான்றுகளுடன் புரிந்துகொள்ள இந்நூல் உதவும்.
உடல், உள்ள ஒழுக்கம், பயிற்சி, இலக்கை அடையும் வரையிலான முயற்சி இவையே அவரது வெற்றிக்கான மந்திரங்கள். சிறுவயதிலிருந்து அவர் நிர்ணயித்த இலக்குகளை அடைய உதவியவை. வாழ்வின் ஒவ்வொரு நிலையிலும் கிடைத்த வாய்ப்புகளை இலக்கை நோக்கி செலுத்திய மனவுறுதியை விவரிக்கிறது இந்த நூல்.
எழுபது வயதைத் தாண்டி இருபத்தைந்து ஆண்டுகளுக்கும் மேலாக ஆட்சியில் தொடர்பவர். புதிய உலக ஒழுங்கை நோக்கி உலக அரசியலைக் கொண்டு செல்லும் புதினின் வாழ்க்கையோடு வாசகர்களும் பயணம் செய்யும் வாய்ப்பைத் தரும் நூல்.