நெருஞ்சி

நெருஞ்சி

இந்த மண் தன்னைக் காத்துவந்த பூர்வகுடிகளை இழந்து விற்பனையாகி கட்டிடங்களை தன்மேல் போர்வையாய் போர்த்திக்கொண்டு காணாமலாகிக் கொண்டிருக்கிறது. நில விற்பனையாளர்கள் பெருத்துப்போய் பருத்துக் கொண்டிருக்கிறார்கள். அவரவர்களுக்கான வாழ்வை அவரவர்கள் காத்துக்கொள்ளவே போராடிக் கொண்டிருக்கிறார்கள். இதில் மனிதாபிமானம் எங்கோ, என்றோ அடகு வைக்கப்பட்டுவிட்டது. வேகமான உலகத்தில் உணவிலிருந்து நோய்கள் வரை எல்லாமுமே வேகமாகிவிட்டன! நிலத்தடிநீர் மாசடைந்த விசயத்தை எப்போதேனும் பேசியபடி அவரவர்கள் போட்டுக்கொண்ட போர்த்தண்ணியை குடிக்கப் பழகிவிட்டார்கள். இதில் காதல் என்ற பொருள்கூட பல்லை இளித்துக்கொண்டு இன்னமும் கிராமங்களில் வேடிக்கையாக சுற்றிக்கொண்டிருக்கிறது.