பலாமரம் நிற்கும் புதிய வீட்டிற்குக் கிளம்பிக்கொண்டிருக்கிறான்

பலாமரம் நிற்கும் புதிய வீட்டிற்குக் கிளம்பிக்கொண்டிருக்கிறான்

இவரது கதைகளில் மனச்சிதைவுவெளியின் நுழைய முடியாத இண்டு இடுக்குகளுக்குள் அழைத்துச் சென்று திரும்பிவரவியலாத முட்டுச்சந்தில் விரக்தியின் முன்னால் வாசகனை நிறுத்திவிடும் எழுத்தைக் காணமுடியவில்லை. மனச்சிதைவுகளைக் கடந்துசெல்லும் எழுத்தாக, வாழ்க்கையின் எல்லாச் சூழல்களையும் கடந்துசெல்வதற்கான திறப்புகளாகக் கதைகள் நகர்கின்றன. மிகச் சாவகாசமாக அதேசமயத்தில் உணர்வுக்கான அடிப்படை மதிப்புக் கலைந்துபோகாதவாறு அவரது கதைகளின் இயக்கம் அமைந்துள்ளது. துன்பத்தைக் கிளர்த்துவதைவிட துடிப்பான மனக்கிளர்வைத் தருகின்றன.
சமூகம் கட்டமைத்துக்கொண்டுள்ள
பெருங்கதையாடல்களையெல்லாம் மிக எளிதாகக் கலைத்துப் போட்டுவிட்டு ஒன்றும் நடவாததுபோல் நகர்ந்து செல்லுதல் மீரான்மைதீனின் கதைசொல்லல் தனித்துவம்.