அசோகமித்திரன் -77

அசோகமித்திரன் -77

சுப்ரபாரதி மணியன் அவர்கள் எழுதியது.

முன்னோடிகளற்ற புதிய எழுத்துபாணி அசோகமித்திரனுடையது. பிரஞ்ஞை பூர்வமான எளிமை, தாமரையிலை நீர்த்தன்மை, நுட்பமான நகைச்சுவை , காயப்படுத்தாத உள்ளல் இவையே அவருடைய தனித்தன்மை. வாழ்வின் மீதான அக்கறை ,கவலை, மனிதாபிமானம், அன்பு, முதிர்ச்சி, பக்குவம் மற்றும் உலக இலக்கியத்தில் அவர் கொண்டிருக்கிற தேர்ச்சி , அதன் நேரடி அனுபவம் ஆகியவை அவருடைய படைப்புகளுக்கு ஒளியும் கனமும் சேர்க்கின்றன.எனவேதான் எளிதே போல்  தோன்றும் அவருடைய எழுத்துப்போக்கு எவருக்கும் கைவராததாகிறது. 'இலக்கியம் வாழ்க்கையின் குறைப்பட்ட வடிவம்' என்ற கருத்தும் எல்லாப் பேரிலக்கியங்களும் ஒளியூட்டுவது தன்னைச் சிறு வயதில் கவர்ந்த வாக்கியமான 'ஆசைகளின் பயனற்ற தன்மை' என்பதைத்தான் என்றும் எண்ணுகிற அசோகமித்திரம் ஒரு பொன்விழாக் காலத்துக்கும் மேலாக சமகால இலக்கியத்துக்கு வளம் சேர்த்துரு வருபவர். தமிழ் இலக்கியத்தின் எல்லைகளை விரிவுபத்தியவர்.