சொல்ல வந்ததற்கும் சொல்லில் வந்ததற்கும் நடுவே
சொல்ல வந்ததற்கும் சொல்லில் வந்ததற்கும் நடுவே
க.மோகனரங்கன், 1980களுக்குப் பின் எழுத வந்த எழுத்தாளர்களில் வசீகரமான கவிதை மொழியும், நுட்பமான விமர்சனப் பார்வையும் கொண்டவர். தேர்ந்தெடுக்கப்பட்ட தமிழ்க் கவிதைகளின் எந்தத் தொகுப்பும் இவர் கவிதைகள் இல்லாமல் முழுமை பெறாது. சங்கக் கவிதைகளின் அகப்பாடல்களின் படிமத்தையும் ஆழத்தையும் நன்றாகப் புரிந்து கொண்ட நவீனத் தொடர்ச்சி என்கிற பாராட்டு இவரின் பல கவிதைகளுக்குப் பொருந்தும். பிற எழுத்தாளர்களின் படைப்புகள் குறித்து இவர் எழுதியவை, அந்த எழுத்தாளரையும் படைப்பையும் எவரும் அறிந்து கொள்ள உதவும் சிறந்த திறவுகோல்கள். அத்தகைய விமர்சனங்கள் நுண்ணுணர்வு கொண்ட ரசனையின் அடிப்படையிலானவை மட்டுமல்ல. தமிழ் இலக்கியத்தின் பல்வேறு போக்குகளை உள்வாங்கியும் எழுதப்பட்டவை. மோகனரங்கள் தேர்ந்தெடுத்துச் செய்யும் மொழிபெயர்ப்புகளில் மூல ஆசிரியரின் எழுத்தின் கலாசாரத்தையும் நுட்பத்தையும் கலைத்திறனையும் கெடுக்காமல் தமிழில் கொடுப்பதில் முனைப்புக் காட்டுகிறார். தமிழில் எழுதவரும் எவரும் எழுத்தில் மட்டுமில்லாமல் தனிமனித ஆளுமையிலும் முன்மாதிரியாகக் கொள்ளத்தக்கவர் க.மோகனரங்கள்.
கவிஞர், விமர்சகர், மொழிபெயர்ப்பாளர், கட்டுரையாசிரியர், சிறுகதை ஆசிரியர் எனப் பல பரிமாணங்களில் இயங்குகிற க.மோகனரங்கள். 2026ல் எழுத்தாளர் பி.ச. குப்புசாமி இலக்கிய விருதைப் பெறுகிறார். இத்தருணத்தையொட்டி, அவர் ஆக்கங்களைக் குறித்த முக்கியமான தமிழ் எழுத்தாளர்களின் பார்வைகள், மோகனரங்களின் தேர்ந்தெடுத்த படைப்புகள், புகைப்படங்கள், வாழ்க்கைத் தருணங்கள் உள்ளடக்கிய ஓர் அறிமுகத்தையும் ஆவணத்தையும் தமிழ் வாசகப் பரப்புக்கு ஒரே இடத்தில் கொடுக்கும் விதமாக வந்துள்ள இந்த நூல் உள்ளடக்கத்தில் ஆழமும் தனித்துவமும் கொண்டது. ஓர் எழுத்தாளரைக் கௌரவிப்பதில் முன்மாதிரியாகக் கொள்ளத்தக்கது. மோகனரங்கனையும் தமிழ் இலக்கியத்துக்கு க. மோகனரங்களின் பங்களிப்பை மதிப்பிடவும். புரிந்துகொள்ளவும் உதவும் ஒரு சிறந்த கையேடு.
சொல்ல வந்ததற்கும் சொல்லில் வந்ததற்கும் நடுவே - Product Reviews
No reviews available
