பார்க்காப்பான்

பார்க்காப்பான்

ஒரு சிறு செய்தியை அல்லது சிறு அனுபவத்தைக் கருவாகக் கொண்டு உரைநடையில் எழுதப்படுவது சிறுகதையாகும். ஒரு குறிப்பிட்ட ஒரே சம்பவத்தைச் சொல்லும் கற்பனை சிறுகதை என்கிறார், சாமர்ஸெட் மாம். அந்த வகையில் அமைந்துள்ள ஐந்து சிறுகதைகளை உள்ளடக்கியதாக இந்நூல் அமைந்துள்ளது. இந்நூலின் ஒவ்வொரு கதையும் ஏதேனும் ஒரு முக்கிய கருத்தைச் சொல்லக்கூடியதாக அமைந்துள்ளன.
இந்நூலில் இரு கதைகள் அரசியல் பற்றிய கதைகளாக உள்ளன. மற்றவை மூன்றும் வெவ்வேறு பொருண்மைகளில் அமைந்தவை. பார்க்காப்பான் தமிழுக்காகப் போராடிய தலைமுறைகளில் தோன்றிய ஒருவன். அவனை அரசியலில் நிறுத்தினால் தேர்தலில் வெற்றி பெறலாம் என்ற நோக்கத்தோடு ஒரு கட்சி செயல்பட்டு வெற்றியும் பெறுகிறது. வெற்றி பெற்ற அவனை, சட்டமன்றத்தில் இந்தியைப் போற்றி அம்மொழியின் சிறப்புகளைப் பேசச் சொல்கிறார்கள். தமிழுக்காகப் போராடிய குடும்பத்தில் உதித்த அந்த பார்க்காப்பான் இந்தியை ஆதரித்துப் பேசினானா? அவன் என்ன செய்தான் என்பதைக் கூறுவதாக இக்கதை அமைந்துள்ளது.
இவ்வாறு இந்நூலிலுள்ள ஒவ்வொரு கதையும் விறுவிறுப்பாக சுவையோடு அமைந்துள்ளது.