சுவீகாரம்

சுவீகாரம்

**நாங்கள் ஒரு ஆண் குழந்தையைத் தத்தெடுக்க வேண்டும் என்று முடிவெடுத்துதான் கிளம்பினோம்.ஆனால் தரையில் விளையாடிக் கொண்டிருந்த பெண் குழந்தை ஒன்று தவிழ்ந்து வந்து என் கணவரின் காலை இறுக்கிப் பிடித்துக் கொண்டது.எங்களைப் நிமிர்ந்து பார்த்து ஒரு சிரிப்புச் சிரித்தது பாருங்கள்.இன்றும் அதை நினைத்தால் என் உடல் சிலிர்க்கிறது.அதன் பிறகு வேறு குழந்தையைத் தேர்ந்தெடுக்க எங்களுக்கு மனம் வருமா என்ன..? அந்தப் பெண் குழந்தையையே வாரியணைத்துக் கொண்டு வந்துவிட்டோம்.

**என் கணவர் எந்த முன்முடிவும் இல்லாமல் , ஒரு குழந்தையை எடுத்துக் கொஞ்சினார்.பிறகு வேறோரு குழந்தையைப் பார்க்கலாம் என்று அதைக் கீழே இறக்கிவிட முயன்றார்.குழந்தையோ என் கணவரின் சட்டை காலரை இறுக்கிப் பிடித்துக்கொண்டு கீழே இறங்க மறுத்துவிட்டது.சிரித்தபடியே கணவர் என் முகத்தைப் பார்த்தார்.அவர் மனதில் இருந்தது எனக்குப் புரிந்தத.அந்த நிமிடமே நானும் முடிவு செய்துவிட்டேன், அதுதான் எங்களுக்கான குழந்தை என்று!"

**ஒரு நாள் நான் கனவு கணடேன்.அதில் ஒரு குழந்தை 'வீல்' என்று பெருங்குரலில் அழுதது.திடுக்கிட்டு விழித்தெழுந்த நானும் என்னை அறியாமல்  அழுதுவிட்டேன்.அந்தத் தேதி எனக்கு நன்கு நினைவில் இருக்கிறது 7.7.87. அதன் பின் சில மாதங்கள் கழித்து தத்தெடுப்பதற்காக ஒரு நிறுவனத்துக்குச் சென்றேன்.அங்கிருந்த ஒரு குழந்தையை எங்கோ பார்த்ததுபோல் ஓர் உணர்வு!குழந்தையை எங்கோ பார்த்ததுபோல் ஓர் உணர்வு!குழந்தையை ஆசையோடு தூக்கிக்கொண்டு அதன் பிறந்த தேதியைக் கேட்டேன்.என்ன ஆச்சர்யம்...அதே 7.7.87 என் கனவில் வந்த குழந்தை அதுதான் என்பது உறுதியானது. அந்தக் குழந்தையையே  தத்தெடுத்து விட்டேன்!".