பாசமுள்ள புதிய தலைமுறைக்கு

பாசமுள்ள புதிய தலைமுறைக்கு

4 [திய தலைமுறை' வார இதழ் வாசகர்களுள் நானும் ஒருவன்.

மூச்சை அடக்கித்தானே முத்தெடுக்க முடியும்? அந்த வகையில் நிர்வாக ஆசிரியரின் அத்துணை கட்டுரைகளும் முத்தானவையே. முத்துவில் இருந்து பிறந்தது முத்தாகத்தானே இருக்கும்?

இந்த 52 கட்டுரைகளின் தொகுப்பைப் புத்தக வடிவில் வெளியிடுவது சிறந்த முயற்சி, இதுவரை படிக்க வாய்ப்பு தவறியவர்களுக்கு இந்த அரிய பொக்கிஷத்தைக் கிடைக்கச் செய்வது மகிழ்ச்சிக்குரிய ஒன்று.

குடும்பத்தில் உள்ளவர்கள்தான் ஒருவரை ஒருவர் பாசத்தோடும்,பாசப் பிணைப்போடும் பேசுவதை தாம் அறிவோம். நிர்வாக ஆசிரியர், தான் எடுத்துக் கொண்ட தலைப்பிற்கு ஏற்ப வாசகர்களைப் பாசப்பிணைப்போடு அழைத்துச் செல்வது ஒரு மாறுபட்ட அணுகுமுறையாக உள்ளது.

நிர்வாக ஆசிரியர் திரு.ஆர்.பி. சத்தியநாராயணன் அவர்களின் 'பாசமுள்ள புதிய தலைமுறைக்கு.... என்ற அன்பான அழைப்பில் துவங்கி, வாரம் ஒரு தலைப்பில் எழுதப்பட்ட தலையங்கக் கட்டுரைகள் வாசகர்கள் அனைவரின் மனதையும் தொட்ட ஒன்றாகும்.