கடல் மல்லைக் காதலி

கடல் மல்லைக் காதலி

வரலாற்று வண்ணம் கொண்டு கற்பனை தூரிகை எடுத்து புதின ஓவியம் வரைவதில் புனைவதில் வல்லவர் கலைமாமணி விக்கரமன் அவர்கள் . சேர பாண்டிய சோழர் எனும் முடியுடைய மூவேந்தர் தமிழகத்தை வளம் கொழிக்க வலிமை மிளிர நலம் செழிக்க ஆண்டு வந்தனர். முன்னோர்கள் வரலாற்றைப் பொன்னைப்போல் போற்றுவது நம் கடமை.வரலாற்றுப் புதினம் எழுதுவது அவ்வளவு எளிதான செயல் அன்று.மொழி அறிவும் வரலாற்றை ஆயும் நுண்ணிய திறனும் சுவைபடக் கதை சொல்லும் ஆற்றலும் ஒருங்கே கைவரப்பெற்ற திரு. விக்கரமன் போன்றவர்களுக்கு அது கைவந்த கலை.மூவேந்தர் வரலாற்றைக் கருவாகக் கொண்டு முத்தமிழ் வித்தகர் கலைமாமணி விக்கரமன் அவர்கள் முத்தான வரலாற்றுப் புதினங்களைப் புனைந்து தமழ் அன்னையின் தாள் மலர்களில் சமர்பித்துள்ளார்.